Брэсцкая сярэдняя школа № 1 пачала працаваць з 1 верасня 1940 года. Змяшчалася яна ў старым драўляным будынку па вул. Доўгай (цяпер Куйбышава). Першым дырэктарам школы быў Кандрацій Філімонавіч Макаеў. Ён загінуў пры вызваленні г. Гомеля ў 1943 годзе. Першая завуч школы – Зінаіда Сцяпанаўна Кавалёва. Пасля вайны яна працавала загадчыцай гарадскога аддзела народнай адукацыі, а таксама дырэктарам Брэсцкай СШ № 2.